ازاي انجح في دراستي
"يارب تنجح يا تتح "
في ظل جو ديسمبر البارد و الكثير من الكسل و الاحباط المسيطر و استنفاذ طاقتنا لإنه آخر العام..
الا ان يجب علينا ان نستمر بالقوه التي بدأنا بها ..
شهر ديسمبر معروف شهر الامتحانات و اخر شهر في السنه نلحق نخلص اهدافنا الي حطينها لنفسنا بس فيه كسل و نوم و احباط و الاحساس بالفشل"كلنا كده وبيعدي علينا الوقت دا ومش غلط بس الغلط اننا نستمر في دا و نتخلي عن كل اهدافنا"
نعمل ايه؟ ونبتدي ازاي؟ و نسترجع طاقتنا ازاي؟ بحاجات بسيطه جدا هتغير مودنا للاحسن و نذاكر و نخطط تاني ونحقق ونستوعب اكتر في وقت قليل..
١- نقرب من ربنا ونعمل وِرد نقرأه يوميا ونواظب علي الصلاه و نستغفر كثيرا و نرضي الوالدين ودعواتهم معانا.
٢- نعمل جدول و ننظم فيه الوقت وعدد الساعات المتاحه و كل يوم هنذاكر ايه ونحقق ايه ونعلقه في مكان ظاهر دايما يكون قدامنا.
٣- تكوني محدده هدف من المذاكره او الي هتدرسيه وهو التفوق و النجاح.
٤-"انتِ مدرسه نفسك"
ذاكري لنفسك وفهميها وشجعي نفسك علي المذاكره ولما تحلي حاجه صح كافئيها بحاجه بتحبها، حطي طرق مذاكره جديده، اختبري نفسك في امتحانات و بعد ما تخلصي اعملي أسئله بأجوبتها كملخص ليكي، لخصي المواد الصعبه وجزئيها ونبتدي بالسهل و الجزء الي بنحبه هيخلينا نذاكر اكتر، ذاكروا لحد مش فاهم او اشرحوله هتلاقوا المعلومه ثبتت عندكوا اكتر.
٥-"الألوان" و "البرفانات"
استخدموا الالوان هتحددوا بيها العناصر والعنواين الرئيسيه و هتساعدك في الاهتمام بالمذاكره وهاتوا نوت بوك جديده شكلها عاجبكوا.
البرفانات والي بتعمله البرفانات.. حطي في غرفتك اي برفان بتحبيه جدا وهتلاقي نفسك حبيتي الماده وحبيتي المذاكره وخلصتي الي وراكي.
٦-"الحفظ وانتِ نايمه"
اقرأي الجزء الي عايزه تحفظيه قبل ما تنامي كذا مره"قراءه فقط"ونامي
هتصحي الصبح فاكره نقط كتير منه من غير تعب في الحفظ.
٧-"الموبيل فيه سُم قاتِل"
حقيقه الموبيل بيسحب وقت واحنا مش حاسين"البريك بدل ما بيكون ٥ دقايق بقي ساعتين"
نقفل الموبيل واحنا داخلين علي المذاكره كده وهناخد" بريك " بس نعمل حاجه نشربها او اي شئ تاني.
٨_ لازم نفصل نفسنا، نفصل اي شئ عن مذاكرتنا و صفي ذهنك من اي مشاكل سواء عاطفيه او أسريه و غيره، محدش هينفعك لما تفشلي واللوم تجبيه علي نفسك.
٩-"خطر الامتحان"
النوم لا يقل عن ٨ ساعات، بلاش المواظبه لحد الامتحان من غير نوم التركيز هيقل وحاجات هتتنسي.
نصلي و نفطر ونروق بالنا ونراجع و نستعين بالله وواثقين اننا هننجح.
١٠_ لازم تقتنعي انك ناجحه وهتنجحي والفشل يتشال من التفكير والدماغ عشان الاحساس بالفشل هي اول مراحل الفشل بجد، ركزي علي النجاح تخيلي الفرحه بعد كل لحظه تعب، لازم تحسي بالتحدي تجاه نفسك وتنتصري عليها.
" طريق النجاح صعب و الوصول اليه يحتاج لكثير من التعب ونفسك تستحق ذالك النجاح "
تعليقات
إرسال تعليق